13 oktober 2022 höbbe veer same mit Gilde de Graven eine dialekmiddig in Munstergelaen georganiseierd. 't Is ein groot sukses gewore. Mit biedraag van Colla, Annie Marleen, John, Toos, Mia en Mien.
=============================================
Op 15 september is ós nuut sezoen begónne. De opdrach - idee van Marleen - jeugherinneringe woorte veurgelaeze : väöl herkenning en nostalgie. En Theo' s biedraag euver zien gebäörte waar eigelik ein hommage aan zien moder!
Veur de volgende keer zal John weier get fotoos oetzuike/ make. Mien, Mia en Toos doon ouch mit aan de dialekmiddig van Gilde de Graven.
=========================================
Nao 't 'zomerreces' bereide veer ós veur op deilname aan de middig van Gilde de Graven in Munstergelaen.
============================================
Op 18 augustus 2022 hawte veer oos jaorliks ''informeeltje''
Ditskeer bie Mien en Jos in Zaerum. Veer sjpichte ós allenej.
===========================================
21 juli 2022:
Op Thei nao de ganse gróp dao. Besjpraoke woort ó.a.de invölling van 't pregram van Gilde de Graven.Mien vertèlde ouch euver häor reis door Skandinavië. Veer höbbe väöl kènne lache, mit name óm Theo's sjpraekweurd. Op 18 augustus höbbe veer 't Informeeltje bie Jos en Mien. Aankóms tösje 1 en 2 oer. Nuuj opdrach veur september: Herinnneringe aan sjool.
=============================================
6 juni 2022:
Bekans compleet. Nuuj opdrach: verangerde sjpraekweurd.
=============================================
19 mei 2022:
Óndanks de aafwezigheid van enkele lede woort 't toch ein gezèllige biejeinkóms mit biedraag van Annie, John Mia en Colla. Ouch woort 't idee geopperd óm aaf en toe gas-sjpraekers te neuje. Aan 't Gilde de Graven is doorgegaeve dat veer mit ein paar lede ein veurdrach veur hun gaeve op 13 oktober a.s.
==============================================
21 april 2022
Driede biejeinkóms in de Vief Heringe haet sjoon reacties op de foto's opgeleverd:
Bie de foto van 't sjpaor sjreef Colla:
Twieë verleifde sjtave: zouwe ze achter 't ónkroed weer biejein kómme?
En Mia sjreef euver Boom
Inne auwe boom, inne letste blik
hat vöal jehoeëd en jezieë
Noe lieët heë zieng tek hange
't is jód jeweë, heë wil nit mieë
Theo sjreef euver de boum:
Ich haaj eine boum laote zaege
dae laag dao al lang inne raege
diej plenk wore dik
ammaol aeve sjik
toen zaag ich twieë ouge bewaege.
John euver de kemele:
In Afrika gouf 't kemele
die wólle versjtöpperke sjpele
't góng ómstebeurt
toch krege ze weurd
en woort zo topcriminele.
Annie euver 't noorderleich:
Sjpitsberge
Wil me dao oeëts 't Nordelit
an d'r himmel zieë sjweëve,
mós me ziech wie inne eskimo
't oavends nao boese bejeëve
E sjouwsjpiel wie e wónger
dat litsjpel zieë is 't weëd,
mit Norderlit zou me dinke
in d'r himmel sjpillet e hiemliesj konzeët.
==================================================================
2 april 2022:
De eesjte twee biejeinkómste (17-2 en 17-3) in de Vief Heringe zitte d'r op.
Allenej blie mekaar weier te zeen.
Väöl vertèld en ouch väöl gelache , óndanks de sjlechten tied.
Veur 't Gulikshoes höbbe veer allenej "tegelsjpreuke" gemaak die door Colla/Bertie/John verwirk zeen in ein buikske. John zörg dat ze bie de luuj van 't Gulikshoes bezörg waere.
Veur de driede biejeinkóms op 21 april höbbe veer es hoeswerk:
Vènj eine passende teks, ómsjrieving, gedich, verhaol of limmerik bie ein aantal foto's die John haet oetgezóch.
=============================================================
GOUD NUUTS:
In fibberwarie 2022 geit de Algemeine Sjrieverskrink weier door mit hun activiteite.
't Nuuj "clublokaal" wurt De Vief Heringe in Zitterd.
Veer zulle op 'n gepasde maneier aasjeid numme van 't Gulikshoes.
==============================================================
30 november 2021:
Zös korte verhäölkes, jeugherinneringe (ong 150 weurd) van Mien, Toos, Annie, Marleen , Colla en John
Ze zeen ingesjik nao de gezèt ( DL) en in de diverse edities gepubliceierd!
=======================================================
14 november 2021:
In 't lètste Platbook (nómmer 25) sjtaon sjtökskes van:
Colla, John, Marleen, Toos, Annie en Mien. Kènne veer greutsj op zeen!
Jaomer dat de presentasie neit door koosj gaon.
================================================================================
22 oktober 2021:
In euverlèk mit de lede is besjlaote dat de biejeinkóms van 27 november neit doorgeit. Veer blaoze 't aaf en 't nuuj jaor in, aldus sprach Colla.
==================================================================================
15 oktober 2021:
Aafgesjpraoke dat ós nuut sezoen eind november aanvink!
===========================================================
2 oktober 2021:
John haet ein awd gedich trökgevónje!
===========================================================
18 september 2021:
Intösje höbbe Theo, Toos en Colla nuuj gedichter aangeleverd!
============================================================
11 september 2021:
Begónne mit de nuuj website, bie jederein ein sjtökske teks en 'n foto van 'n buikske geplaatsj.
Maak jouw eigen website met JouwWeb