Gevierlike sjpelkes
’t Mót oktober-november 1944 gewaes zin, ich waor vief jaor. D’r sjtónge amerikaanse legerwages bie ós veur, achter aafgeslaote mit e dèkzeil. De ouwer jónges duujde mich ónger ’t dèkzeil nao binne. In dae vrachwage moos ich reme mit kuuegel pakke en nao boete goesje. In ’n wei maakde de groeëte e vuurke, pakde ‘ne ouwe kaetel, dege de kuuegel dao in en zagte dat vier achter de cannadasse mooste sjoele. Effe later hoerte vier de kuuegel langsj fluite en aaf en toe… peng in de buim sjlaon woeë vier achter zote. Dae daag zint d’r gein óngelökke gebuurd…..
Ich dörf dit verhaol van 75 jaor geleje neet aan mien klein- en achterkleinkinger te vertèlle, want ich zèk noe es ze op de bank zint aan ’t sjpringe al : zeet verzichtig, en dan kal ich nog neet uuever es ze de kèttingzaeg kómme lieëne…..
Colla
==========================================================================================
GREUN LINKS
Greun Links
haet nieks te make
mit e groeët hierehoes
meh mit de erm van de oprit
die welkom heisje en verdeile
sjleet gein vrouwluuj oet
noch vleisj aeters en religie
blief vrieoet kalle
wae de waorheid sjprik
mót ‘ne sjnelle wage höbbe
zjwej mit ‘ne lila tak
aan de aovend van oud gedeende
bès kritis en aope vuur nuuj vlinders
laot ’t hart mer greun zin
want ’t is toch al roeëd
en zit links
help mit greunte en knuffelbaere
de daag kleurt pas greun links
es de zón
d’r sjoeënder van ónger geit.
Colla Bemelmans
(Voor diegenen waarvoor Engels de tweede taal is volgt hier een vertaling)
Groen Links
Groen Links heeft niets te maken
met een groot herenhuis
maar met de armen van de oprit
die welkom heten en verdelen
sluit geen vrouwen uit
noch vleeseters en religie
blijf vrijuit praten
wie de waarheid spreekt
moet een snelle auto hebben
zwaai met een lila tak
aan de avond van oud gedienden
blijf kritisch en open voor nieuwe vlinders
laat het hart maar groen zijn
want het is toch al rood
en zit links
help met groente en knuffelberen
de dag kleurt pas groen links
als de zon
er mooier van onder gaat.
Colla Bemelmans
========================================================
WUURD
De vrouwelike monnike
zónge aeve sjoeën
es de golve
die broke op ’t sjtrand
en es de kaore aore
golvend in de windj
mochte mien wuurd
aeve sjoeën danse
en es golfbraeker dene
In dien hart.
Colla Bemelmans
================================================
(kl)Ode aan Nut
Nut, ‘ne lach op mien gezich
meh mót ouch dèk griene,
dien vösjvievers en Pletsjbaek
zónger café ’s es dörpspómp
’t vinke van De Vink
lawaai van Awacs foetelvuëgel
dien weie mit de sjtelkes
dörp van paerd en aezele
kesjtieële en vakwerkhuuskes
meh ouch hofjes en states
Henri Hermans en beelde in C dur
de laege mert in mineur
de hoeëge taore van de kirk
zónger crypte vuur mien vraoge
de natigheid van vastelaovend
de druuëgte van gemeinteraod.
Ach, es de aolifant
op ’t slivvenhierebieëske sjtampt
bès te weer
in Nut city aanbeland.
=========================================================================
Maak jouw eigen website met JouwWeb