Op oetneudiging van Veldeke - Veldeke Literair - koume Limburgse sjrievers 5 jaor n.l. 1991-1995 biejein in Haelder veur eine “sjrieversdaag”. Vanoet die eesjte biejeinkóms is de sjrieverskrink gebaore. Fons Otten deig ’t veursjtèl en Pierre Schnackers gouf zich es eesjte op, gevolg door Jo Brassee en Pierre Essers. Pierre Essers waar ‘t  meis gemotiveierde lid, oze geistelikke vader en is dat ouch altied gebleve.

Zaoterdig 1 februari 1992 koume v’r in ’t Gulikshoes in  Zitterd veur ’t eesj biejein. De club heurde eine naam te höbbe. Es veursjtèl woort  de naam “Rederiekers” aangereik mer dao waerde ouch geliek weier van aafgezeen. ’t Waord “rede” kènne veer neit in ’t Limburgs, aldus Fons Otten. Op 23 meert 1992 woort dan ouch de benaming Sjrieverskrink Veldeke aangenómme.

De eesjte lede ware op alfabetische volgorde: Hub Beckers Haerle, Jo Brassé Hoensbrouk, Jan Bremmers Vlodrop, Jo Caris Mestreech, Pierre Essers Kirchrao, John Frissen Mesjtreich, Albert Meertens Haelder, Fons Otten Mesjtreich, Pierre Schnackers Bóches, Toos Schoenmakers Vlodrop. Jeanne Alsters vroog nog óm bedènktied, zie koum twee keer op prouf mer meldje daonao dat ze neit wiejer ging.

Fons Otten noum de veurzittesjrol op zich. Jo Brassee woort sekretaris. Hae zoug zichzelf neit es sjriever.

Mien Wijnhoven oet Zaerum koum op 9 jan.1993 oze krink versjterke. Op 6 meert 1993 Tilly Zeegers-Douffet. Op 5 meert 1994 Friedje Geurts-Leeder. Op 20 aug.1994 Theo van Dael, oze eesjte, enige en ónmisbare Belsj. In 1996 Ger Prickaerts en Maria Schouteten-Scheres. In 1997 Colla Bemelmans. Ouch in1997 Eric Poulsen. Want d'r noume persone aafsjeid en d’r koume nuuj lede bie.

Mit name: Mia Liedekerken, Andre Weyers, Thei Stenzel, Jef Bastiaens, Chris Theunissen, Mia Engels, Richard Leinders, Hub Clerkx veur inspiratie en achter gróndjkinnis van proza en poëzie, John Hertogh, Annie Tummers en Marleen Schmitz.

Jaomer genóg moosjte v’r ouch aafsjeid numme van lede die ós door de dood óntveile: Jan Bremmers, Friedje Geurts, Pierre Essers, Chris Theunissen, Richard Leinders en Maria Scheres. In oos herinnering blieve zie ein heel werm  plaetsjke hawte. Waat zie sjreve blief in ós.

Op 1 februari 2017 besjtóng oze krink dus 25 jaor! De huidige lede (2021) zeen:

Colla Bemelmans, Theo van Dael - Mia Engels - John Hertogh - Toos Schoenmakers - Marleen Schmitz - Thei Stenzel - Annie Tummers en Mien Wijnhoven.

Toos /John